Bisuk jala manat

Nunga rade indahan🍚 dohot loppan dijolo ni sada ama. Ala mansai tabo do sipanganon i di ida amanta i andorang so dipangan martangiang ma ibana mansai leleng. Hape ro ma huting 🐱hatop ma dihaishon ikan i huhut diallang. 
Dung amen, dibereng amanta i ma ndang adong dekke na. Nunga tabo huting mangallang dibereng, mansai mohop ma dihilala amantai.

Ditangkup ma huting i laos disappathon tu ginjang asa mate inna rohana. Hape malo do huting i, ai pat na hona tu tano i, laos lari. 

Ima mossak ni huting. Berengon gale-gale alai mangintip do ibana sadihari silap amantai pittor disarbut do dekke na i. 

Hamuna angka dongan nang pe naung dijolonta arta i, boi do disarbut na so ta ida. Alani i bisuk jala manat ma hita.

Digurithon Walsinur Sihaloho

Leave a Reply

Your email address will not be published. Required fields are marked *